Zum Aktivieren des Google-Übersetzers bitte klicken. Wir möchten darauf hinweisen, dass nach der Aktivierung Daten an Google übermittelt werden.
Mehr Informationen zum Datenschutz

Kreis Schleswig-Flensburg

Peymana Kirêkirinê / Mietvertrag

Heger tu di Xaniyekî bi kirê de dijî, te Peymana Kirê bi Xwediyê Xanî re girêdaye. Ev Belgeyeke pirr girîng e, hûragahiyên kirêkirinê rêkdixe ko ji bo we û Xwediyê Xaniyê we gerek e.


Beriya îmzekirinê Peymana Xanî bi diristî bixwîne. Bi piranî Peyman Xanî bi nivîsandin tê encamdan. Lê belê, ew jî dikarin bi devkî li hev bên.

Beriya îmzekirina Peymanê agahdar be li ser:

• Çendeka Kirê

• Çendeka bilindahiya Mesrefa Avahî (di nav wan de Perê germkirinê)

• Çendeka perê ji bo Bîma Xanî (Kaution)

• Şert û Mercên Nûner, eger Xanî ji aliyê Nûnerên Bingehê Xaniyan ve dabine kirê

• Berdewamiya Peymana kirêkirinê

• Têkbirina/bi derengî xistina Peymanê (Kündigungsfristen)

• Mîna berê lê kirina Xanî (restorekirin)


Herweha ligel Peymana kirêkirinê Pêşdema ketina Xanî de, Peymana wergirtina Xanî tê nivîsandin. Ev gerekî ji aliyê we bête îmze kirin. Bi îmzekirinê, hûn bi Rewşa niha ya Xaniyê kirêkirî li hev dikin. Rapora li ser Xanî bi diristî bixwînin û hemû Hûragahiyan kontrol bikin. Ji bo Ziyanên ko di Peymanê de nehatibin nivîsandin dibe Xwedanê Xanî te wek berpirsyar bibîne.

Dabîn an Bîma Xanî Die Kaution

Dabînkirina Xanî ya ko Xwediyê Malê di dema Îmzakirina Peymana Kirê dixwaze, dibe Diravê dayî ji bo Bîma Xanî li dev Xwediyê Malê bimîne ger Rewşa Xanî hatibe têkdan û xirabkirin an kirê nehatiba dayîn. Perê ji bo Bîma Xanî tê terxankirin dikare bi kêmanî ko ji Kiriya Sê Mehan pêk tê, be. Çendeka sê Mehan ji kirêya Bingehîn (bê mesrefên zêde) be.

Kirêya Mehane û Xerckirinên Bingehîn(Ava ji mal derdikeve, Gilêş h.d) / Kaltmiete und Betriebskosten

Li rex Kirê ya ji bo Xanî (Kirêya Sar), herwesa Mesrefên Bingehîn yên tên binavkirin (Nebenkosten) tên dayîn.

Di nava van de Xerciyên ji bo germkirinê û Avê, Rijav û Mesrefên din jî yên wek Paqijkirin, paqijkirina Pêpelokan û Hostê ko Karûbarên Xanî dike. Bi giştî Mehane ev Pere tê dayîn.


Salê carekê ev Pere ji Kirêdarî tê xwestin. Hisabê ko hatiye dayin gerek ji aliyê we ve bête kontrol kirin.

 

Rêxistina Malê  Hausordnung

Ji Xwediyê Xanî ligel Peymana Kirêkirinê, hûn dê Belgeyekê li ser Rêkxistin û Bingehên Malê bistînin. Ev Bingeha rêkxistina Pêkvejiyanê tevayî hemû Niştecihên ko di Avahiyê de dijîn, dike. Bi îmzekirina Peymana kirêkirinê hûn li ser Bingehên lihevkirinê razî ne.


Aramiya Şevê ji aliyê Yasayên Rêkxistina Malê ji Demjimêr 22 heta 6ê Spêdê ye.

 

 

Mafên Kirêdariyê Mietrecht

Weke Kirêdar Erkên te yên taybet hene, weke dayîna Kirê an Pîtepêdan bi Bingehên Malê. Di heman Demê de jî Mafên te hene ko wek Kirêdar bikar bînî. Wek Nimûne tamîrkirinên cuda yên kO bi piranî ji aliyê Xwedanê Malê tên lidarxistin.


Ger Pirsên te li ser Yasayên Kirêdariyê hene tu dikarî têkeliyan bi Navenda Şîretdanê li Herêma xwe dane. Şêwirdarî caran bi Pere ye. Tu dikarî pêşwext li ser Çendeka Xerckirinê Agahiyan bistînî.

 

 

Barkirin, Guhertina Navûnîşan Umzug, Adressenänderung

Heke we bar kir û hûn bûn xwedî Navûnîşaneke nû, divê hûn li ser guhertina Navûnîşana xwe û nivîsîna Navûnîşana nû seredana Rêveberiya Nifûs/Serjimirê (Meldebörde) li Bajarê xwe bikin û wan ji guhartina Navnîşanan Agahdar bikin.


Hûn dê ji Nifûsê Belgenameyeka hatiye nivîsîn, bistînin. Hûn dikarin evê Belgenamê li Cihên pêdivî ji bo Agahdarkirina guhertina Navnîşanan bikar bînin wek: Bank, Sîgort/Bîme û Saziyên din.