Zum Aktivieren des Google-Übersetzers bitte klicken. Wir möchten darauf hinweisen, dass nach der Aktivierung Daten an Google übermittelt werden.
Mehr Informationen zum Datenschutz

Kreis Schleswig-Flensburg

Kar û Pîşe / Arbeit und Beruf


Piştî pêngavên we yên pêşî li Almanye wê mijarek din ji bo we pir balkêş û girîng bibe. Li gel fêrbûna ziman hûn dixwazîn xwe li ser pêngavên pîşeya berfireh agahdar bikin. Hûn li vir li ser mijara kar û pîşeyê agahiyên berfireh dibînîn.

Agahî li ser derbasbûna Bazara Kar ji bo Penaberan / Zugang zum Arbeitsmarkt für Flüchtlinge

Derfeta kar ji bo penaberan

Derfeta kar ji bo penaberan bi rewş û berdewamiya destûra rûniştina wan re girêdayî ye.

Wichtig

Ji bo daxwazkarê penaberîyê (daxwaznamek ji bo mafê penaberiyê hatîye dayîn) û kesên hatine helgîre (hîştin) kirin (daxwaznama ji bo mafê penaberiyê hatîye redkirin) di sê mehên despêka rûniştinê de, karkirin qedexe ye.

Ji meha çaremîn pê de daîra bîyaniyan (Ausländerbehörde) dikare li ser daxwaznameyê destûrek ji bo karekî şênber (konkret) bide (berçavkirina şert û mercên kar).

Heke daxwaznameya pênaberiyê piştî 31.08.2015 yê hatibe dayin, ji daxwazkarên pênaberiyê û kesên hatine helgîre (hîştin), yên ji welatên ewle hatine (ev welat niha ev in: Albania, Bosna û Herzegovîna (Seraybosna), Ghana, Kosova, Makedonyaya Bakûr, Montenegro, Senegal, Sirbistan)) di dema tevahiya rûniştina kesên wek daxwazkarên pênaberiyê, an jî kesên hatine helgîre kirin, destûr nayê dayin ku ew bixebitin.

Wichtig klein

Ji bo naskirina kar bejdarbûna wek mêvan di cîhén kar de pêkane ye (mimkine), lê belê ji bo vê qayîlbûna daîra Federal ya kar (Bundesagentur für Arbeit) û destûra daîra bîyaniyan (Ausländerbehörde) pêwîst e.

Ji bo staja li ser rêpêşkirina (praktika) pîşeyî û rêpêşkirina alîkariya perwerdeyî qayîlbûna daîra bîyaniyan (Ausländerbehörde) pêwîst e.

Navenda navbeynkariya derveyî welat û ya pisporî ya daira Federal ji bo kar (Zentrale Auslands- und Fachvermittlung - ZAV) li ser şert û mercên standina li kar û staja li Almanyayê agahiyan dide. Ji bilî vê jî di hin rewşan de li ser vê daxwazîyê qayilbûnekê an jî redkirinekê dide.

Hûn agahiyên zêdetir di www.zav.de de dibînin.

Wichtig klein

Heke hûn wekî penaber, wek xwedi mafê penaberîyê, an jî wek mafdarê parastina insanî hatibîn naskirin, hûn dikarîn bê sinor derfeta karkirinê werbigirin û bi vî rengî hûn wek hemwelatîyên Alman dibin xwediyê heman mafan.

Hûn li vir daxwaznama li ser destûra kar dibînîn. Vê daxwaznamê bidin daîra bîyaniya (Ausländerbehörde). Hûn agahdarîyên din li ser derfeta tora karkirina (Netzwerk) fîrma ku penaberan pêxistin (entegre) dikin, di Grafîka 2. de dibînîn:

Daxûyanîya li ser rewşa pêvendîya karNUiF_kî-dikarê-kar bikê-Infografik_18-02-2020_WEBPDF, 130 kB


Perwerda pîseyî û bi histina perwerda pîseyî / Ausbildung und Ausbildungsduldung

Perwerde

Mirov demê perwerdekê de pîşekê hîn dibê. Mirov piştî perwerdekê bi serfirazî biqedînê, bilêta ketina cîhana kar distînê.

Mirov perwerda pîşeyî ya du alî û ya dibistanî ji hev cûda dike.

Perwerda pîşeyî ya dualî, ku bi perwerda kargehî jî tê binavkirin, ji du beşan pêktê:

• Di dibistana pîşeyî de mirov teorîyê hîn dibê.

Di kargehê de/di fîrmayê de mirov karê praktîkî hîn dibê.

Mirov zanîna ji dibistanê fêrbuyî, dikârê rasterast di kargehê de/firmayê de bi kar bînê.

Mirov dikarê hinek pîşeyan tenê di dibistanekê de hîn bibê. Navê vê perwerdê, perwerda dibistani ye (wek nêrinvanên jin/mêr yên tendurîstîyê û nexweşan, an jî nerînvanên pîran, fîzyoterapîst, perwerdekar). Rêpêşkirinên(praktikên)di kargeh de, an sazîyên ji hevdû cûda de pêk tên, aîdên pîşeya dibistaniyê ne.

Perwerda pîşeyi ya du alî bi hêsanî tê agahdar kirin: Fîlma agahdariyê ya sazîya endsutrî û bazirganîyê

Perwerda pîşeyi ya du alî bi hêsanî tê agahdar kirin: Fîlma agahdari ya sazîya endustrî û bazirganîyê (bi zimanê erebî)

Perwerda pîşeyî ya du alî - Fîlma agahdariyê ya sazîya endustrî û bazirganîyê (bi zimanê farisî)

Hûn hemû agahdarîyên girîng, yên li ser mijara perwerda pîşeyî, di vê belavokê de bibînîn:

--------------------------------------------------------------------------------------

Hiştina perwerda pîşeyî (mada 60a ya zagona (qanûna) mafê rûniştinê))

Heke mirov perwerdek pîşeyî bike, mirov dikârê mafê hiştina perwerdeyîyê bistînê. Heke daxwaznama penaberîyê hatibê red kirin jî, mirov dikârê vê mafê hiştinê bistînê.

Ji bo mafê hiştina perwerdeyîyê pewîste ku perwerde herî kêm du salan bidomê. Ev dikârê li dibistanê pêk werê (wek nerînvanên pîran), an jî di kargehê de.

Ji bo dayîna mafê hiştina perwerdeyîyê gelek teybetî hene. Sazîyên şêwirmendîya li ser koçberîyê û
rêberên bixêrhatinê ji bo vê alîkarîye didin.

Mafê hiştina perwerda pîşeyi bi hêsanî tê agahdar kirin: Fîlma agahdariyê tora karkirina (Netzwerk) fîrma penaberan pêxistin (entegre) dikin

Hûn agahdarîyên din di belavoka tora entegra penaberan de dibînîn:

Heke hûn bixwazin perwerdek ya pîşeyî biqedînîn, ji kerema xwe seri li cîhên berpirsîyar, yên bi şêwirmendîya pîşeyê û navbeynkarîya perwerdeyîyê û kardîtinê tên bi navkirin, bidin.   

Sêwirdariya Pîseyî, Perwerdeyî û Kar / Berufsberatung, Ausbildungs- und Arbeitsvermittlung

Di navça Schleswig-Flensburg’ê de ji bo penaberan ji alîyê rêvenam (Proja) Hemû di keştîyê de ne (Alle an Bord) pêşnîyareke din ya şêwirmendî û alîkarîyê heye.

Li gora pêwîstîyê ev rêvenama (Proja) alîkarîyê di van beşan de didê:

- di standina rêpêşkirinê (praktika), ya dibistanê û perwerda du alî, ya kar û xwendina li zaningehê

 - di bidestxistina zanîstîyê û navbeynkarîya ji bo naskirina danîşanîyên (şehadên)bîyanî û pêşnîyarên kursa ziman û perwerda bêhtir

- di rêşanîdana pîşeyî de, nivîsandina serlêdanê û alîkarî û şêwirmendî.

Hûn agahdarîyên din li ser pêşnîyara şêwirmendîyê di malpera rêvenama (Proja) Hemû di keştîyê de ne (Alle an Bord)  de dibînîn

Hemû di keştîyê de ne Alle an Bord Schleswig Flensburg »

Pesendkirina Bawernameyên Biyanî / Anerkennung von ausländischen Abschlüssen

Bawernameya Dibistanê, Pileya Pîşeyî yan xwendina bilind ji derveyî Elmanyayê divê pêşî ji aliyê Dezgeha Berpirsiyar ve were venêhirîn, berî ko bête pesendkirin. Hûn dê bi pesendkirina Bawernameyê derfetên baştir di nava Bazara Kar de bidest bixin. Ji bo paşerojê Karmendên Xwedî şiyan pêwist in.

Gelo te pêwîstî bi pesendkirina Bawernameyên xwe heye? Heke hûn dixwazin Kar di Pîşeya ko hûn fêrbûne bikin, pêzanînên bêtir hûn li ser Malpera www.anerkennung-in-deutschland.de dikarin bibînin.

Li vir pêzanîn li ser Destgehên Berpirsên Pîşeya te û çawa tu dikarî şêwirê bi wan re li ser Pîşeya xwe bistînî, dikarî agahiyan bidest bixî. Ji bo Pirsên we hûn dikarin bi xeta Telefonê ya Dezgeha Federal ji bo Koçberiyê û Penaberan (Bundesamtes für Migration und Flüchtlinge) bi Zimanên Elmanî û Ingilîzî (Hejmara Telefonê: + 49 30 1815 -1111) têkeliyê danin.

Gelek Pîşe ko bi Navê Pîşeyên bê rêbaz tên naskirin, Mirov dikare bêyî pesendkirina Pîşeyê Kar tê da bike.

Gavên girîng di pêvajoya naskirina Bawernameyan de:

  • Seredana Navenda Şêwirmendiyê li Herêmê
  • Daxwaza pesendkirina Bawernameyan bi Rêya Navenda Şêwirmendiyê wê bête daiyn.
  • Belgehên jêrê divê bêne amadekirin

Kopî ji pesendkirina Bawernameyê

Werger gerek ji aliyê Wergerevanekî/ê sûndxwarî ve li Elmanyayê (li Banka Wergerên sûndxwarî li ser www.justizdolmetscher.de binêre ) an ji aliyê Wergervanekî sûndxwarî li Derveyî Welatê Elmanyayê bête kirin. Piştrastkirin an pesendkirina Belgeyan hûn dikarin li Dezgehên Nifûsê an li Dezgehên Dêrê bistînin. Piştrastkirina Belgeyan bi Pere ye, herwesa pesendkirina Bawernameyan jî. Di hin rewşan de, mesref di rêya Dewletê re tête dayîn.

Di Demên dawî de, babeta pesendkirina Bawernameyê di Bernameyeke nû de hatiye danîn. www.anerkennung-in-deutschland.de/app û ev bi Zimanên Elmanî, Ingilîzî, Spanî, Îtalî, Romanî, Polonî, Tirkî, Yonanî û Erebî ye.

Li vir hûn dikarin Belavokên agahiyên IQ –Netzwerk li ser Babetê pesendkirina Bawernameyan bibînin.


Li Devera Schleswig- Flensburg hûn dikarin seredana Bingehên şêwirdarîyê yên jêr biken:

IQ Anerkennungsberatung zu ausländischen Berufsabschlüssen in Flensburg »
Frauennetzwerk zur Arbeitssituation e. V.
Frau Nissen
Haus 2 im 2. Stock
Südermarkt 1
24937 Flensburg

Telefon: 0461 807 964 80
Mobil: 0152 044 009 65
-------------------------------------------------------------------------------------

Anerkennungsberatung zu ausländischen Berufsabschlüssen »
Industrie- und Handelskammer zu Flensburg
Heinrichstraße 28-34
24937 Flensburg

Telefon: 0461 806 806
Fax: 0461 806 9806
-------------------------------------------------------------------------------------

Migrationsberatung Schleswig-Holstein MBSH »
Anerkennung der Berufsabschlüsse
Frau Silke Nissen
Zi. U1b
Flensburger Str. 7
24837 Schleswig

Telefon: 04621 87 246
Fax: 0421 87 626

Hinweis: Sprechzeiten: Mo. und Do. von 9-12 Uhr; Mi.und Fr von 14-16 Uhr und n. Vereinbarung; Außensprechstunden: Harrislee, Bürgerhaus, Süderstraße 101 jeden 1. und 3. Mittwoch im Monat von 14-16 Uhr; Kropp, Bücherei, Schulstr. 20 jeden 1. und 3. Dienstag im Monat

-------------------------------------------------------------------------------------

Frau Maike Hohmann »
Diakonisches Werk im Kirchenkreis Schleswig-Flensburg
Jugendmigrationsdienst
Norderdomstraße 6
24837 Schleswig

Telefon: 04621 381112
Fax: 04621 381138

Hinweis: Sprechzeiten: Mo:8-12 Uhr; Di. u. Do.:14-17 Uhr; Mi. u. Fr.: 8-10 Uhr; Sprechstunde auch in FL möglich
Hinweis: weitere Sprechzeiten: jeden 1. Donnerstag/Monat von 10-14 Uhr ; i.d. Räumen der Koordinierungsstelle f.d. Flüchtlingsarbeit, Hindenburgstraße 2a, 24376 Kappeln; Tel.: 04642 - 92 52 42 2

Rahênana Pîseya berdewam / Berufliche Weiterbildung

Perwerdeya Pêşeyî (Aus- und Weiterbildung) û perwedeya li Elmanyayê pirseke pir girîng e. Ligel bi dûmahîanîna Perwerdeya Kar caran gereke şarzatî bêtir bête bidestxistin. Herwesa di rewşa pesendkirina beşekî ji Bawernameyê, Perwerdeya Pîşeyî dikare wekheviyan peyda bike û pesendkirina tekûz bidest bixe. Simînarên Perwerdeya Jiyana Pîşeyî li cihê Kar bi berdewamî tête pêşkêş kirin, ji bo Karmendan di rewşên cuda û nû de bo wergirtina pêzanînan.

Ji bo zêdekirina şarazatiyê û Perwerdeya Pîşeyî pêrabûnên cuda hene:

  • Kurs û Simînar
  • Bernameyên guherîna xwendinê
  • Fêrbûna Zanîngehê
  • Dergehê Bingehîn Yekser (Onlayn)

Li Elmanyayê, Ajansa Federala Kar li Bingehên Karên Herêmî û li Peymangehên Perwerdeya Pîşeyiyên cuda ji vê mijarê berpirs in.

Tora IQ-Netzwerk bi Bernameya „Integration durch Qualifizierung“ (IQ), gelek Kolêj û Zanko û herweha Navendên şêwirdariya Koçberiyê şêwira perwerdeya Kar pêşkêş dikin.

Li vir Belavoka IQ-Netzwerk bibîne IQ Netzwerk (PDF, 6,1 MB)

Zagona (qanûna) koçberîya xebatkarên pispor / Fachkräfteeinwanderungsgesetz

Zagona (qanûna) koçberîya xebatkarên pispor

Ji 1-ê Adarê 2020 pêve zagona (qanûna) koçberîya karmendên pispor bi bandor bîye. Ev zagon (qanûn) qada karkirina li Almanye ji hemû karmendên pispor, yên ji welatên bîyanî, ango fêrber (Akademisvan) û kesên xwedîyê perwerda pîşeyî, vedikê.

Karmendên ppispor, yên ne ji Welatên Yekîtîya Ewropa’yê ne, heya nûha dikarîna tene bi perwerda zanistyarî (Akademîk) bê sinor bikevin qada karde. Di pêşerojêde karmendên pispor jî dikarin bi zanyarîyek pîşeyîya bîyanî, di hemû pîşeyande ji bo karkirinê wîzekê, an jî destûrek ya rûniştinê bistînin. Di naverûka vê de hêdî sinorkirina tengavîyê tune. Bi vî awayî nava karkirinê Almanye ne tene ji bo akademîsvanan bi tevayî vekirîye, heman ji bo kesên bi perwerda pîşeyê, ya ku hatî naskirin, ji vekirîye.

Ji bo mirov bikârê demek dirêj li Almanyê bimînê, pêwîste ku ji bo karmendê zanyarî pêşnîyarek şênber (konkret), ya cîhê kar werê pêşkeş kirin. Ji xeyrî vê jî pêwîste pêşîyanîya zanyarî ya xebata zanistî hatibê naskirin. Ji bo karmendên pispor ti berçavkirina pêşanî nayê pêk anîn. Lê belê dibê ku ev di rewşik ya xirabûna kar de bi demek kurt disa werê pêk anîn.

Wek din jî ev zagona (qanûna) nû ji bo hatina vir ji bo şeş mehan ji lê gerîna cîhê kar û perwerdeyîyê derfetê didé. Şertê vê ewe ku, karmendê zanyarî zirûfek ya hatîye naskirin, zanîstîya pêwîst ya zimanê Almanî (herî hindik di asta B1 ya ziman) û debarê jîyanê bi mîsogerîyê îspat bikê. Di demê lêgerînê de dikarê karek yê ceribandinê heftîyê heya deh seeta di demê pîşeya pêjde werê pêkanîn. Bi vî rengî wekî mînak rêpêşkirin (praktika) li gel kardanekê pêkane ye (mimkîne). Karmendên pispor, yên xwedîyê perverda zaningehê ne, dikarin wek heya nûha, ji bo şeş mehan werin vir. Ew di pêşerojêde jî dikarin karek yê caribandinê heftîyê heya deh seetan di demê pîşeya pêjde pêk bînin. Ne pêwîste ku ev zanistîya ziman ya bi teybet rêdan (îspat) bikin.

Hûn agahdarîyên din li ser zagonê (qanûnê) di malpara Wezîrê Federal ji bo Kar û Sosyalî di zimanê Îngilizî de jî dibînîn.

Hûn di Videoya daxûyanîya Make it in Germany di malpera zagona koçberîya karmendên pispor ji bo Almanye, dibînin, bi hêsanî tê daxûyan kirin.

Hûn dikarîn di lêgerîna kar û perwerdeyîyê ji dervê welat alîkarîya van sazîyên bikîn:

Make it in Germany

Make it in Germany: Malpera agahdarîyên Komara Federal ji bo karmendên pispor ji dervê welat

Agentur für Arbeit

Xizmeta karmendên bakur ya daira Federal ji bo kar.

Karsazî û Karê Serbixwe / Existenzgründung und Selbständigkeit

Karsazî tê wateya avakirina Şirketekê (Hebûn), bi gotineke din, avakirina Karekî serbixwe. Di aboriya destpêka karsaziyê de, darayî roleke pir giring dibîne. Şêwir û amadekarî dikarin metirsiya darayî kêm bikin. Ji bo piştgiriya Karsazên nû bi ramanên baş, dibe alîkariya darayî, ji Dewletê jî bête xwestin.

Agahiyên zêdetir dikarî li ser Malpera Ajansa Federala Kar bibînî www.arbeitsagentur.de.

Mafê Kar: Demên Kar, Vehêsan, Nexwesî û Jikarderxistin / Arbeitszeit, Urlaub, Krankheit, Kündigung

Demên Kar / Arbeitszeit

Demên Kar ta wekû Demên bêhnvedana Karker û Karmendî bi Yasa Demên Kar tête rêkxistin.

Kesên ko Karekî bi Demê Karê tije(Vollzeit) divê ji 37,5 ta 40 Demjimêran di Hefteyê de Kar bikin.

Herwesa derfet hene ko Mirov Karekî Demkurt (Teilzeit)de kar bike. Divê çarçoveyê de Demê Karê Heftane bi Yasayê hatiye sînorkirin bi 48 Demjimêran. Bi Piranî Kar ji Rojên Duşemê heta Înê tên kirin, lê Yasa rê dide ko di hemû Rojên Kar yên Hefteyê de (Duşemê heta Şemî) û di hemû Demên Rojê de wek şîftên şev.

Di gelek waran de, bo nimûne, Tenduristî, Geşt û guzar dibe Kar li Rojên Yekşem û Cejnan de jî bên kirin.


Wichtig klein

Yasa Demên Kar ewlekarî û Tenduristiya Karkeran misoger dike. Li gor vê Yasayê Karkerê ji Şeş Demjimêran bêtir kar bike, Mafê wî di bêhinvedaneke 30 xulekan de heye, eger demê Kar gehişt 9 Demjimêran, Demê bêhinvedanê ji bo 45 Xulekan dirêj dibe.

 

Vehêsan / Urlaub

Her Karkerekî maf heye di Vehêsanê de! ev li pey Yasa Vehêsana,,Bundesurlaubsgesetz (BurlG) ye. Piştî Şeş Mehan ji karkirinê di Karekî nû de, Ji mafê Yasayê Karkerê ko daxwaza Vehêsanê bike. Kesên ko pênc an şeş Rojan di Hefteyê de kar dikin, mafê wan di 4 Hefteyên Vehêsanê de heye, Yasa Vehêsanê, 24 Rojên Kar destnîşan dike, lê belê Roja şemî jî pêra wek Roja Kar dihejimêre. Bi evî rengî Karkerî maf di 20 Rojên Vehêsanê de heye.

Nexweşî / Krankheit

Kesê nexweş be û nikaribe Kar bike, divê xwediyê Kar bi zûtirîn dem Agahdar bike. Bi derengî ve Roja Çaran piştî ne amadebûnê divê Belgeya Doktor (Attest, Arbeitsunfähigkeitsbescheinigung) bête pêşkêş kirin.

Di dema Nexweşiyên ko dema wan heta şeş Hefteyan dirêj dibe, Xwedî kar Mûçeyê Karkerî bi temamî dide. Piştî şeş Hefteyan ji Nexweşiyê Perê Nexweşiyê(Krankengeld) ko dike 75% ji Mûçe ji aliyê Kasa Nexweşan (Krankenkasse) wê bête dayîn.

Kesên ko Bîma nexweşiyê ya Taybet heye divê pirsyara Kasa Nexweşiya xwe bike.

Wichtig klein

Pêzanînên li ser Nexweşiya we pêdivî nake ji Xwedî kar re bêjin.

 



Ji Karderxistin / Kündigung

Li pey Yasayê Xwediyê Kar û Karkerî jî maf hene ko Peymana Kar betal bikin. Di herdu rewşan de , divê bi nîvîskî bête bidawî anîn. Şert û mercên bi dûmahîkirina Peymana Kar li pey Rêbazên Yasa Hevwelatiyan tên bi berçav xistin.

Li cihekê Kar çendî dema karkirinê dirêj be, wê sînorê dema betalkirinê dirêj be, dema xwediyê Kar Peymana Kar bi dawî bîne.

Karker berevajî Xwedîkar, piştî derbasbûna dema (Probezeit) li pey Yasaya Peymana Kar bi dawî bîne bi demek sînorkirî ji 4 Hefteyan ji despêka Mehê an jî ji 15 Mehê, bêyî ko li dema Kar bête nêrîn.

Ji bo Jinên ducanî, Dayikan û Endamên şêwira Şirketê (Betriebsratsmitglieder) şertên taybet hene ji bo bidawî anîna Peymana Kar.

Pêzanînên bêtir li ser Yasa Kar li ser Malpera Wezareta Kar û Civak www.bmas.de bibînin.

Dahatî (Mûçeya herî kêm) û Bac / Einkommen (Mindestlohn) und Steuern

Dahatî ko tê binavkirin Muçe, Heqdest, Dabînkirin, Xelat (Gehalt, Lohn, Vergütung, Entgelt) parçeka Peymana Kar e. Di daxwaza Kar de pêzanîn li ser Mûçe tên nivîsîn. Her yek li gor cûrê Kar Mûçe werdigire.

Pêkhatiyên din yên Kar, Peymana daxuyakirina Mûçe (Tarifvertrag) pêk tên ji Perê Vehêsanê (Urlaubsgeld) û Xelata Krîstmesê (Cejna jidayikbûna Îsayê Mesîh).

Pêkhatiyên din yên Dahatî dibe ko bikaranîna Trimpêleka Kar be. Telefon an Laptop, ko dibe bi awayek taybet jî bête bikaranîn. Di hemandemê de bi Mûçeyên Şîrketan jî şert û mercên taybet ji bo Bîma, wek Bîma tenduristiyê an jî Bîma Jiyanê be.

Muçeyê herî kêm / Mindeslohn

Piştî bi cihînana Yasa Muçeyê Kar yê herî kêm li 01.01.2015, li Elmanyayê ji bo Karkeran Mûçe divê bi kêmasî 8.5€ Brutto be di Demjimêrekê de.

Muçeya herî kêm ji bo hemû Karkerên li ser 18 Salan de di hemû waran de, heta 2017an hê awarte hene:

  • Karkerên di bin 18 Salî de, bêyî ko Bawernameya xilaskirina Pîşê hebe
  • Demeke dirêj bêkare
  • Yên bê beramber û bi dilxwazî alîkariyê dikin
  • Xwendekarên li Perwerdeya Pîşeyî de
  • Kesên Praktîkant ko bi dilxwaziya xwe û bo demekê kêmtir ji 3 Mehan Praktîkê dikin.

Ji 01.01.2017 di hemû waran de wê Mûçeyê herî kêm 8.5€ be.

Bac / Steuern

Li Elmanyayê Bac li ser Dahatî tête wergirtin. Ji bo Karkerekî/, her Meh Muçeyê xwerû(Netto) heye. Karker Mehane Muçeyê xwerû li ser hisabê Banka xwe werdigirin. Ji Mûçeyê giştî ya wan evên Perên jêrê tên Birîn:

  • Bîmeya Malnişînî (Rentenversicherung)
  • Bîmeya Nexweşiyê (Krankenversicherung)
  • Bîmeya Bêkariyê (Arbeitslosenversicherung)
  • Bîmeya lênêhrînê/sereguhî (Pflegeversicherung)
  • Baca Dahatî (Lohnsteuer)
  • Baca Hevkariyê (Solidaritätszuschlag)
  • Baca Dêrê (Eventuell Kirchensteuer)

Dahatî çi qas bêtir be wê Bac jî bêtir be. Karsaz û Xwedîkar divê bi xwe Baca Dahatiya xwe li dev Finanzamt bide.


Wichtig klein

Li Elmanyayê şeş Pileyên Bacê hene, ko Rêbaza berziya Bacê diyar dikin.

Pêzanînên bêtir li ser Yasa Kar li ser Malpera Wezareta Darayî www.bundesfinanzministerium.de li jêr babetê Service /Glossar bibînin.